കഴപ്പ്

ചിലരുണ്ട്...ധമനിയിലെ
രക്തം മുഴുവനും ബീജമായി..
പിഴിഞ്ഞു കളഞ്ഞാലും....
ഒന്നൂടെ ശ്രമിക്കും...വെറുതെ...
അവസാനഞരമ്പിന്റെ
തുമ്പിലും കാമത്തിന്റെ
അരണ്ട തരിപ്പ് തിരയുന്നവർ...

മടങ്ങി വരവുകൾ

വളരെ ദൂരം മുന്നോട്ട് പോയെന്നു
മനസിലാക്കി തുടങ്ങിയത്...
ഈ ദൂരമത്രയും തിരിച്ചൊന്നു നടക്കാൻ ശ്രമിച്ചപ്പോൾ മാത്രമാണ്..

കാലം തെളിച്ച വഴിയിലൂടെ...
നടന്നു നീങ്ങുമ്പോൾ...
സ്വയം പോരാളിയെന്നു അഹങ്കരിച്ചു...
വെറുതെയെന്ന്.. കാലം തന്നെ
തെളിയിച്ചുതന്നു...

നേടിയെടുത്തതും,പിടിച്ചടക്കിയതും...
തട്ടിപ്പറിച്ചതും,വിട്ടുകൊടുത്തതും...
ദാനം ചെയ്തതും, വിലപറഞ്ഞതും...
ഒക്കത്തിനുമുള്ള
കടപാടു കണക്കുകൂട്ടിപ്പോൾ....
ഈ വിദ്യാലയത്തിന്റെ
തുലാതട്ടു താണു തന്നെയിരുന്നു...

മുൻപെന്നോ പുഞ്ചിരിച്ചു
കടന്നുപോയ..
ആ നടഗോപുരം..
ഇന്നു മുഖം മിനുക്കി
പ്രൗഢിയിൽ നിൽക്കുമ്പോൾ...
ജീവിതം ജയിച്ചു കയറി വന്ന
ഞാനാണ് തോറ്റുപോയത്..

എഴുകടലും കടന്നു
ജീവിതം വരച്ചു തീർത്തപ്പോഴേക്കും...
കളാവു പടർന്ന കടലാസിൽ..
ഇറ്റുവീണ കണ്ണീരുകൊണ്ടു
നിറം മങ്ങി തുടങ്ങിയിരുന്നു

കാണാപാഠം പഠിച്ച കവിതകളുടെ ഈരടികൾ..
കടലാസു താളിലെ കണക്കിന്റെ പോർവിളികൾ...
മരപലകയിൽ വരച്ച
കുസൃതിയുടെ ഭാവനകൾ...
മറവിയോട് പടവെട്ടി
എഴുതിയ പരീക്ഷയെന്ന പേടികൾ...
കളിച്ചു കൊതിതീരാത്ത
മൈതാനത്തിന്റെ
പിൻവിളികൾ...
കൈത്തടം ചുവപിച്ച ചൂരൽ തണ്ടുകൾ..

ഓർമകളുടെ മറന്നു തുടങ്ങിയ
സുഖമുള്ള മധുരം നുണയാൻ...
സൗഹൃദത്തിന്റെ കണ്ണികൾ..
വിളകി ചേർന്നു തിരികെവന്നപോഴേക്കും
നടന്നുതീരാത്ത ദൂരത്തേക്ക്..
ഭൂതകാലം ഒളിച്ചു മാറിപോയിരുന്നു..

നിശബ്ദത

നിശബ്ദത....

നിശബ്ദത..
ചിലർക്കത് സഹനമാണ്..
ഉള്ളെരിയുന്ന വേദന,
മിണ്ടാതെ..കടിച്ചമർത്തുപോഴും
അറിയാതെ നിറഞ്ഞുപോകും
കണ്ണിലെന്നും കണ്ണീർതുള്ളികൾ...

നിശബ്ദത...
പലർക്കും വിരഹത്തിന്റെ
വാൾമുനയാണ്‌...
ഹൃദയത്തിൽ,ഒറ്റപെടലിന്റെ മുറിപ്പാട്
കോറി വരയ്ക്കപ്പെടുമ്പോളും
മൗനം കൊണ്ടു മരുന്നുപുരട്ടും അവർ..

നിശബ്ദത.. മറ്റു ചിലർക്കു.
ഒഴിഞ്ഞുമാറലാണ്‌...
ഒന്നു മുഖം തരാതെ...
അദൃശ്യമായ ദൂരത്തേക്കു
ഒന്നും മിണ്ടാതെ പോയി
ഒറ്റക്ക് വേരിറങ്ങുന്നവർ

ചിലർക്കെങ്കിലും..
നിശബ്ദത പ്രണയമാണ്...
ഉള്ളിൽ പൂവണിഞ്ഞ
പ്രേമം പോലും..
മിണ്ടാതെ.. പറയാതെ..
ഒരുചെറു പുഞ്ചിരിയിൽ
കൈമാറും ഇവർ..

ചിലർക്ക് നിശബ്ദത...
പ്രതികാരമാണ്!!
കനലെരിയുന്ന മനസ്സിൽ...
ഊതിയുരുക്കി മൂർച്ച കൂട്ടിവെച്ചു
യുദ്ധം കാത്തിരിക്കുന്ന
വെറിയുടെ പടവാളാണത്..

നിശബ്ദത...
ഒരുതരത്തിൽ മരണമാണ്..
ആറടി മണ്ണിന്റെ ഇരുണ്ട
ചുവരുകൾക്കിടയിൽ
ജയിച്ചു നേടിയാതൊക്കെയും
മൂടിവെച്ചു..
മൗനം കൊണ്ടുള്ള
യാത്ര പറച്ചിലാണ്...