*എന്നും നമ്മുടെ കണ്മുന്നിൽ നിന്നും മറഞ്ഞു പോകുന്ന പിഞ്ചോമനകൾക്ക് വേണ്ടി....വേദനയോടെ*
കുഞ്ഞേ...എന്റെ കയ്യകന്നുപോയ...
ദൂരമത്രയും നീ കരഞ്ഞിരുന്നുവോ?...
ദൂരമത്രയും നീ കരഞ്ഞിരുന്നുവോ?...
നിന്റെ മിഴിയൊന്നു മിന്നും മുന്നേ
ഏതോ കരാളൻ റാഞ്ചിയകന്നതും
നീ അറിഞ്ഞിരുന്നുവോ?
ഏതോ കരാളൻ റാഞ്ചിയകന്നതും
നീ അറിഞ്ഞിരുന്നുവോ?
നീയറിയുന്ന മുഖങ്ങളെ കാണാതെ
ഒരുവേള നിന്റെ പിഞ്ചു ഹൃദയം പിടഞ്ഞിരുന്നിരിക്കണം
ഒരുവേള നിന്റെ പിഞ്ചു ഹൃദയം പിടഞ്ഞിരുന്നിരിക്കണം
വാവിട്ടു കരഞ്ഞ നിന്റെ മുഖം
പൊത്തിപിടിച്ചത് ഏത് ബീഡി
കറപുരണ്ട കൈകളായിരിക്കും??
വിശന്നുകരഞ്ഞ നിന്നെ..
മയക്കിയുറക്കിയത് ഏതു
മുഷിഞ്ഞസാരിത്തുമ്പിലായിരിക്കും..
പൊത്തിപിടിച്ചത് ഏത് ബീഡി
കറപുരണ്ട കൈകളായിരിക്കും??
വിശന്നുകരഞ്ഞ നിന്നെ..
മയക്കിയുറക്കിയത് ഏതു
മുഷിഞ്ഞസാരിത്തുമ്പിലായിരിക്കും..
ഇരുട്ടിനെ ഭയക്കുന്ന നിന്റെ കണ്ണുകൾ
ഒടുക്കമെത്തിയതു വെളിച്ചം മറഞ്ഞ
കുടുസു മുറിയിലായിരിക്കും..
ഒടുക്കമെത്തിയതു വെളിച്ചം മറഞ്ഞ
കുടുസു മുറിയിലായിരിക്കും..
എത്രയെത്ര രാത്രികളിൽ..ചിന്തയുടെ കൂർത്തമുനകൊണ്ട്ഞെട്ടിയുണർന്നത്
നിന്റെ കണ്ണുകളിൽഅവരാഴ്ത്തിയിറക്കിയ
ശൂലമുനയുടെ മൂർച്ചയായിരിക്കാം
നിന്റെ കണ്ണുകളിൽഅവരാഴ്ത്തിയിറക്കിയ
ശൂലമുനയുടെ മൂർച്ചയായിരിക്കാം
ഇങ്ങിവിടെ..പടുതിരി കത്തുന്ന
വിളക്കിനു മുന്നിൽ.. കലങ്ങി തളർന്ന കണ്ണുകളിൽ...പ്രാർത്ഥന തുടരുന്നു...
വിളക്കിനു മുന്നിൽ.. കലങ്ങി തളർന്ന കണ്ണുകളിൽ...പ്രാർത്ഥന തുടരുന്നു...
ഇന്നെന്റെ നേർക്കു ഭിക്ഷക്കായി നീട്ടുന്നയോരോ കണ്ണിലും ഉണ്ണീ
നിന്റെ ചിരിയുടെ തിളക്കം തേടുന്നു.
നിന്റെ ചിരിയുടെ തിളക്കം തേടുന്നു.
എണ്ണ വറ്റി പാറി പറക്കുന്ന
ചെമ്പിച്ച മുടിയിഴകളിൽ..
അറിയാതെ എന്റെ കൈകൾ തലോടിപോകുന്നു...
ചെമ്പിച്ച മുടിയിഴകളിൽ..
അറിയാതെ എന്റെ കൈകൾ തലോടിപോകുന്നു...
ജനലഴികളിലൂടെ ഇരചിറമ്പി
വരുന്ന ഓരോ ചുടുകാറ്റിലും..
എന്നും പ്രതീക്ഷിക്കുന്നത് ഒരേയൊരു പിൻവിളി മാത്രം..
എന്നും ഉമ്മറവാതിൽപടി തുറക്കുമ്പോൾ..കണി കാണാൻ കൊതിക്കുന്നതും
ഒന്ന് മാത്രം...
വരുന്ന ഓരോ ചുടുകാറ്റിലും..
എന്നും പ്രതീക്ഷിക്കുന്നത് ഒരേയൊരു പിൻവിളി മാത്രം..
എന്നും ഉമ്മറവാതിൽപടി തുറക്കുമ്പോൾ..കണി കാണാൻ കൊതിക്കുന്നതും
ഒന്ന് മാത്രം...
