നിന്റെ മൗനം

മൗനം..മറവിയുടെ
മൂടുപടം അണിഞ്ഞു
പലദൂരം താണ്ടി കഴിഞ്ഞു...
വാചാലമായ ഭൂതകാലം
ഇനി ഓർമകളുടെ
ചുവർചിത്രം മാത്രമാകും.

ഇനി പുതിയ മേച്ചിൽപുറകാഴ്ചകൾ
കണ്ണുകൾക് നിറങ്ങളേക്കും..
മറന്ന നിറകാഴ്ചകളിൽ
ക്ലാവ് പടരും..മാറാല പൊതിയും..

ബന്ധങ്ങൾ ബന്ധനങ്ങളായി..
കൈവിലങ്ങുപോൽ മുറുകുമ്പോൾ...
ഈറനണിഞ്ഞു മുറിവിൽ
നീറ്റുന്നത് ഉപ്പാർന്ന
കണ്ണീർ തുള്ളികൾ..

മുള്ളുകൊണ്ടു നടന്ന
പാതയോരത്തെ വഴി
വിളക്കുകൾ അണഞ്ഞു..
മഞ്ഞിൻ കുളിർക്കൊണ്ടു
കണ്ട പോക്കുവെയിലും മാഞ്ഞു..
ഓർമകളുടെ കയ്യൊപ്പു
പതിഞ്ഞ പുസ്തകതാളും
പതുക്കെ അടഞ്ഞു.

മറക്കാൻ മടിച്ച..
ഒരുപിടി മോഹങ്ങളെ..
നേരിന്റെ ചിതയിലേക്കെറിഞ്ഞും..
മനസ്സിന്റെ നിർവൃതിക്കായി
ഒരുപിടി ബലിചോറുനേർന്നും..
കനലെരിയുന്ന തീപാതയിൽ ഒരു
ചെറുനെടുവീർപ്പുമായി..
യാത്ര തുടരുന്നു ഞാൻ...